الاثنين، يناير 03، 2011

منتهي الكفر...

انا كنت دائما ضد فكرة أننا نوصف أي إنسان بالكفر لأن الإيمان أو عدم الإيمان علاقة خاصة بين الإنسان وربنا
بس للأسف مع احداث كنسية القديسين بالإسكندرية لاقتني بقول أن اللي حصل ده منتهي الكفر
ايوة منتهي الكفر لأن مستحيل يكون اللي عمل كدا مؤمن بأي دين سواء الديانة المسيحية أو الإسلامية
بجد اللي حصل ده منتهي الكفر والحماقة
ازاي حد يفكر أن يخلي ناس بتبدأ السنة الجديدة بالصلاة وهو يقتلهم
حسبنا الله ونعم الوكيل
بكرة 4يناير في وقفة احتجاجية سلمية في جامعة القاهرة الساعة12 الظهر هنبدأ من أمام مبني القبة احتجاجا علي أحداث الاسكندرية
ياريت بجد الي وقته يسمح يجي ويحضر معانا الوقفة الاحتجاجية